Wednesday, November 7, 2012

චීෆ් චෙෆ්!!!(Chief Chef)






සෑහෙන කාලයකට පසු නැවතත් සටහන් තබන්නට සිතුනෙමි. කිසිදු යාවත්කාලීන කිරීමක් නැතුවත් එකා දෙන්නා වත් පොත් පාඨක පිටුවට ගොඩ වැදී යනු දැකීම සිත් සනහන්නක් විය.

රැකියාවත් ව්‍යාපාරත් සමාජ සේවයත් අතර මා දැන් ජීවිතය ගෙවන්නෙමි. එය එසේ වූවද මේ සටහන් තබන්නේ කාර්‍යාලයේ මගේ මිතුරෙකු අප සමග කී කතාවකි.

එදිනද අප සුපුරුදු ලෙස දවල් ආහාරයට ගොස් සිටින අතර මගේ මිතුරෙක් ,


මචං ඒ දවස් වල මගේ යාලුවෙක් හිටියා...
4-5 වසරේදී ඉතින් ඔය ටීචර්ලා අහනවනේ පුතේ ඔයා ලොකු වුනාම මොකෙක් වෙන්නද කැමති කියල,

ඉතින් ඉතින්...

මගේ අර යාලුවා කියපි Chief Chef කියල.

ඒක සිරා බං මේ ඔක්කොටම වඩා. තවකෙක් පිලිවදන් දුන්නේය.

හිටහං බං තාම කතාව ඉවර නෑ.. මිතුරා නැවත කතාව කියන්නට පටන් ගත්තේය.

මිනිහ O/L වලින් ඉස්කෝලේ ගමන නැවත්තුවා. ඊට පස්සේ මිනිහ Hotel School ගියා.
එතනින් ඉගෙනගෙන රට ගිහිල්ලා හොද ගානකුත් හොයාගෙන ආවා...

ඇවිල්ලා දැන් ****** හෝටලේ වැඩ කරන්නේ(ලංකාවේ සුප්‍රසිද්ධ හෝටලයක් මිතුරා කියයි).මේ ළගදී මිනිහට සම්මානයකුත් හම්බවුණා කියල ආරංචියි෴

ප.ලි- මෙය සත්‍ය කතාවත් වීමට බොහෝ දුරට ඉඩ ඇත. එසේ නොවූවද මෙවන් දැක්මක් ඇති මිනිසුන් තව දුරටත් මෙහි පහල වේවා යැයි මා පතන්නෙමි.

1 comments:

amuthusithuwili said...

සූප ශාස්ත්‍රය කියන්නෙ ඇත්තටම රසවත් වෘත්තියක්,නමුත් අපෙ රටේ තවම ඒක එච්චර ජනප්‍රිය නෑ,chef කිව්වම ඔලුවට මැවෙන්නේ සුදු පාට බටයක් ඔලුවට බස්සගෙන කාන්තා වැඩසටහනක් කරන කෙනෙක්නෙ.අනික සමහරු එහෙම වෘත්තියක් තියෙනවා කියලවත් දන්නෙ නෑනෙ.

Post a Comment

Related Posts Plugin for WordPress, Blogger...
 

සුදු,කලු සහ අළු © 2010.