Monday, February 28, 2011

අයි ඈම් නොට් අ ‘කොටියා‘

මා නිතරම ගොඩවදින අපේ මාමාගේ අන්තර්ජාල කුටිය වෙත පසුගිය දිනෙක පිවිසුනේ මට කරගැනීමට මහ ලොකු වැඩක් නොතිබුණද මගේ ජන්ම ගත පුරුද්දට ඉඩ දිය යුතු නිසාවෙනි.

blackමා එහි යනවිටත් සැලකිය යුතු මට්ටමක පිරිසක් එහි සිටියේය. එය සුපුරුදු පරිදි කාර්‍ය බහුලව පැවතින.හිස්ව තිබූ පරිගණකයක් වෙත පිය මැනූ මා යමක් බා ගැනීමට සෙවුමක් දැමීමි.ඒ අතර එයින් සේවා ලබා ගැනීමට පැමිණි සිටි අයෙක් අන් අයගෙන් සුවිශේස වූයේ ඔහු ඉංගිරිසියෙන් වදන් හැසිරුවද පෙනුමෙන් හද්දා පිටිසර මිනිසෙකුගේ විලාසය උරුම කර ගත් නිසාවෙනි.

ටික වේලාවක් යන විට ඔහු දොඩමලු වන්නට විය.

“දීස් පීපල්… “(These People)

“දේ ඩෝන්ට් ඊවන් ස්මයිල් ඉන් හියර් ! “ (They don’t even smile in here !”)

“ ඇයි කොයිවෙලාවේ නාය යයිද දන්නේ නෑනේ “ (මා වෙසෙන පෙදෙසේ ඒ දිනවල නාය යෑම් බහුලව සිදු වින )

“මේ පැත්තේ මිනිස්සු අපේ පැත්තේ වගේ නෙවේ ,ඇවිදින්නෙත් බයෙන් බයෙන් … “ ඔහු කැඩුනු සිංහලෙන් කියා “අපේ “ පැත්තේ මිනිසුන් ඇවිදින අයුරු අන් අයට පෙන්වයි.ඔහු තාරාවෙක් මෙන් ඇවිද පෙන්වයි.

එහි සිටි තවත් අයෙක් ඔහුගේ කතාවට එක්වෙයි ,මද වෙලාවකට පසු අනෙකා…

“වෙයාර් ආ යූ ෆ්‍රොම් ?“(Where are you from? )

“ආ …. නව් යූ ආ ආස්කින් ප‘ටික්යුලර්ස් ඔෆ් මී ? “ (Aaaa Now you are asking particulars of me ?)

අනෙකාට පිලිවදන් දුන් ඔහු,

“අයි ඈම් ……“

“ අයි ලිව් ඉන් *********** “ (ඔහු නැගෙනහිර පලාතේ නගරයක් පවසයි)

“අයි ඈම් අ ලෝයර් “

“ අයි ඇම් ඩුයින් ලෑන්ඩ් බිස්නස් “

“ ඇන්ඩ් අයි ඇම් නොට් අ කොටියා “

ඔහු අවසන් වරට පැවසීය.ඔහු වෘත්තියෙන් නීතිඥ වරයෙකි .ඔහු අපේ පෙදෙසට පැමින ඇත්තේ එහි ඉඩමක් මිලදී ගැනීමටය.අවශ්‍ය ලිපි ලේඛන සකසා ගැනීමට ඔහු මා සිටි තැනට පැමින ඇත.

ඔහු පරිණත මිනිසෙකු වූ නිසාම එලෙස පිලිතුරු දුන් බව මට හැගී ගියේය.යුද්ධය හමාර වී ඇත.නමුත් වාර්ගික යුද්ධ තවමත් හමාර වී නොමැත.එය තවමත් අලු යට ගිනි මෙන් පවතී.වාර්ගික අර්බුද ගැන සටහන් තැබීමට මගේ කිසිදු වුවමනාවක් නොමැති වුව ද තිස් වසරක පිලිකුල් මතකයන් සේදී යාමට තවත් එවැනිම කාලයක් යන බව මගේ හැඟීමය෴

2 comments:

පිණිබිඳු... said...

My name is khan and I'm not a terrorist වගේ.

Charmi said...

"I am not a කොටියා"
දහසක් දේවල් කියන වාක්‍යයක්.

Post a Comment

Related Posts Plugin for WordPress, Blogger...
 

සුදු,කලු සහ අළු © 2010.