Wednesday, January 12, 2011

උඹ ලියන්නේ ජීවිත කතාවද?

මීට දින කිහිපයකට පෙර මගේ මිතුරෙක් මගෙන් පැනයක් ඇසුවේය.
“උඹ ඔය ලියන්නේ ජීවිත කතාවද?“
මා එයට සිනහවකින් පිළිතුරු දුන් නමුදු එය මෙහි සටහන් තැබීමට තරම් වූ ප්‍රස්තූතයක් බව මට හැගුණි.
මට ස්වයංලිඛිත චරිතාපදානයක් බිහිකිරීමේ කිසිදු වුවමනාවක් නොමැත.මා එතරම් අධ්‍යයනය කරන්න තරම් වැදගත් අයෙක් නොවෙමි.මේ ගෙවීයන්නේ මගේ විසිතුන්වැනි වසරය,ආසන්න වශයෙන් මා මේ වනවිට මගේ දිවියේ තුනෙන් එකක් ගෙවා දමා හමාරය.(මෙය භාගයක් ද තුන් කාලක්ද යන්න සොබාදහම තීරණය කරාවි..)එයිනුත් මට විසිවසරක මා අත්විදපු දෑ ඉතා නිවැරදිව මතකය.
ඉන් බොහෝ දෑ අන් අයට තම ගමන් මගේ ඇතිවන කම්කටොලු වල දී උපකාර වේවි.මා මුලින් සිතුවේ මෙහි සටහන් තබන සිද්ධින් වලට මුහුණ දුන් පලමු පුද්ගලයා මම බවය.නමුත් එය තවත් වැරදී ගිය උපකල්පනයක් බව පසක් වූයේ අන් මිනිසුන් මෙවන් දෑ මා සමග පවසන විටය.
මා අත්විදි දෑ මෙහි සටහන් ලෙස තබන්නේ මේවා කියවා “සුසුම් හෙලීමට හෝ සිනාසීමට“ පමණක්ම නොව ලෝකයේ යථාර්තය සොයාගැනීමේ මග සලකුණු බිහි කිරීමේ අටියෙනි.
මා යථාර්තය ලියන්නට වෙරදරමි.එය කොතරම් තාත්විකව ලිවීමට හැකිදැයි මා  නොදනිමි.මෙහි තබන හැම වදනකටම සාහිත්‍ය මුසු වීම අවිඥානිකව මවිසින් කරන්නකි.එයින් යථාර්තය දුහුල් රෙද්දෙන් වැසීයාම ගැන සියල්ලන් කමා කරත්වා!!!෴

1 comments:

10 සහෝදරයා said...

ජීවිතය අපට කිසිදා තෙරුම්ගත හැකිද නොඩනිමි.එත් ඔබ ලියනා දේ තුලින් යාථාර්ත්‍ය දකින්නට හැකිවිය

Post a Comment

Related Posts Plugin for WordPress, Blogger...
 

සුදු,කලු සහ අළු © 2010.