Wednesday, January 5, 2011

මටත් හදවතක් ඇත!!!(තෙවන කොටස)

අප දෛනික දුරකථන සංවාද වල නොයෙදුන ද නිතරම පාහේ වත්පොත් සංවාදයන් වල නම් නොවරදවාම යෙදීමේ අවිඥානික පෙළඹවීමක් අප දෙදෙනා තුලම සති කිහිපයක් තුල වර්ධනය වී තිබිණ.සංවාද වල නොයෙදුන දාට මහ මුස්පේන්තු හැගීමක් මා තුල ජනිත විය.කවදාවත් කතා නොකල හදවත ඒ වෙනුවෙන් මනසත් සමග අරගල කරන්නට විය.
images (2) මා ජීවිතයේ තීරණ ගැනීමේදී මගේ මනස මත කොන්දේසි විරහිතව යැපෙන කාලයකි ඒ කාලය(එනිසාම මා ලබාගත් ජයග්‍රහණයන්ද බොහෝය).මෙතෙක් කාලයක් නිදා සිටි හදවතට දැන් ඇති රුදාව කුමක්ද යන්න නිතරම මගේ මනස මගෙන් ප්‍රශ්න කරන කාලයකි එය.නුමුත් අප සතියකට එක් වතාවක් හෝ අපේ අදහස් වදන් වලින් හුවමාරු කරගතිමු.මේ බොහෝ කතා බහ ප්‍රබුද්ධ ඒවා යැයි අදද මට සිතේ.අන්තර්ගතයේ බහුතරය ඕපාදූප වලින් තොර විය.වල් පල් ද නොමැත(ඉදහිට තිබුනා නැත්තේත් නොවේ)අප ජීවිතය ගැන කතා කලෙමු.විවාහ පරිසරය ගැන කතා කලෙමු(පොදුවේ විවාහය යන සංකල්පය ගැන මිස අප ගැන නොවේ,එය අප උවමනාවෙන්ම මග හැරියෙමු එකිනෙකාට නොදැනන සේ..).ධර්මය ගැන කතා කලෙමු.නූතන සමාජ සන්ධර්භය ගැන කතා කලෙමු.දුරබනුවල බැටරිය විසර්ජනය වන තෙක් අප කතා කලෙමු.(අදටද එහි ඇතැම් සංවාද ඇගේ හඩින්ම මගේ මනසේ දෝංකාර දෙයි)
මට අමුතු විපරියාසයක් වන බව මට අනුක්‍රමයෙන් තේරුම් ගියේය.ලෝකය දෙස අමුතු ඇසකින් බැලීසට මා පුරුදු උනෙමි.පාසල් කාලයේ මගේ මිතුරන් ඇති කරගත් හාදකම් දෙස මා බැලුයේ අවඥාසහගතවය .එවන් සම්බන්ධකම් ඇතිවනුයේ හුදු ආකර්ශනය,රාගය වැනි ප්‍රාථමික මනෝමූල වලින් බව එකල මගේ හැගීම විය.(සමහරක් එසේ වීමට ද බැරි නැත !)
ඔවුන් උපකාරක පන්ති වලට යන අතරතුර,පාසල් කොරිඩෝර වල පැය ගනන් මිමුණූ දෑ ගැන දැන ගැනීමේ යටපත් නොකල හැකි කුතුහලයක් එකල පහල විණි.
“මචං මොනාද බං ඔච්චර වෙලා කතා කරන්න උඹලට තියෙන්නේ ?“
“මේං බලපංකෝ මූ “
“උඹත් කවද හරි මෙහෙම වෙච්ච දාට උඹට ඕක තේරෙවි“
ඔහු එසේ කීවාට මට එය අත්දැකීමෙන් තහවුරුවීමට අවම වශයෙන් වසර 4ක් වත් ගතවන්නට ඇත.
පුද්ගල විශ්වාසය මා අර්ථකතනය කරන්නේ අනෙකාගෙන් උපයා ගත යුතු දෙයක් ලෙසය.
දිනක් ඈ,
“ඔයා මා විශ්වාස කරනවද ? “
“ඔව් ඔයා ඒක බොහොම ඉක්මනට හම්බකරගත්තා“ මා පිළීවදන් දුනෙමි.
ඒ පිළිතුර කෙසේ ආවාදැයි මගේ මනස අදටද නොදනී
“දැන් ඔයා මාව විශ්වාස කරනවද? “ මැ ඇගෙන් පෙරලා ඇසීමි.
“ඔව්,  දැන් ඔයාට ඕන කරල තිබ්බ උත්තරේ හම්බුනා නේ “ ෴

1 comments:

Inase said...

this sounds interesting...

Post a Comment

Related Posts Plugin for WordPress, Blogger...
 

සුදු,කලු සහ අළු © 2010.